طريقة عمل الفول المدمس احسن وانضف من الفول اللى بتشتريه من المطاعم وعربات الفول اللى فى الشوارع .. وكمان علشان نضمن نضافتة لازم نعمله فى البيت .. كمان لأن صناع الفول المدمس يلجأوا دائما لاضافة مواد غير صحية على قدرة الفول المدمس بهدف انها تستوي بسرعة .. وده طبعا غير صحي اننا نأكله لأولادنا .. دة غير كمان اننا فى زمن انتشار الفيروسات الخطرة منضمنش أى حاجة بنشتريها من برة .. واننا لما نعمل الفول فى البيت هنضمن نظافته وتعقيمه مائة فى المائة
 |
| طريقة عمل الفول المدمس فى البيت |
افضل طريقة عمل الفول المدمس فى البيت
وبما أننا على أعتاب شهر رمضان المبارك وبما أنها أيام قليلة فقط تفصلنا عن هذا الشهرالعظيم .. وبما أن المعروف أن طبق الفول المدمس هو الطبق الرئيسي الموجود على مائدة وجبة السحور .. لذلك تلجأ معظم السيدات لتدميسه في المنزل لضمان نظافته ولعمل كميات كبيرة للتوفير ولكن يشتكي البعض أن طعمة ومظهره لا يبدو مثل المطاعم حيث يتغير لونه إلى اللون البني الغامق أو الأسود وطعمه يكون مختلف ليس بجودة فول المطاعم
ولذلك نقدم لكم هذه الطريقة للحصول على أفضل النتائج
المكونات :
- نصف كيلو فول مدمس (بلدي الحبة الصغيرة)
- ملعقة كبيرة عدس أصفر
- ملعقة كبيرة فول مدشوش
- جزرة، فصين ثوم، ليمونة
- ملعقة صلصة طماطم
الطريقة :
نقوم بغسل الفول ونقعه لمدة ساعتين في مياه ساخنة ثم نضع الفول في الدماسة ونضع معه العدس والفول المدشوش بعد غسلهم جيدا ثم نملأها بالمياه لتغطي الفول تماما ومن ثم نضعها على النار ونضع عليهم جزرة مبشورة وفصين ثوم مقطعين إلى أنصاف ثم نضع ليمونة مقطعة شرائح إليهم، ويتم قفل الدماسة جيدا ونتابعها من وقت إلى آخر ويتم تزويد مياه ساخنة إلى الفول كلما أحتاج ويترك أربع ساعات على نار هادئة وقبل انزالها من النار نضع ملعقة صلصة الطماطم وبالهناء والشفاء
نتمنى الافادة للجميع .. كمان ياريت لما تجربوا الطريقة دى ترجعوا تكتبي لنا فى كومينتات النتائج كانت عاملة ازاى و طعم الفول كان ايه .. كمان لو اى حد عنده أى استفسار اتركه تحت فى تعليق واحنا نجاوب عليه .. واحنا فى انتظاركم جميعا .. وكل سنة وأنتم طيبين وبخير وصحة وسلام
صابرين عبدالكريم
اكتب تعليقك وشارك برأيك فى الموضوع