هقولكم النهاردة على السر اللى هيخليك تعمل القهوة بوش وهتشرب احلي فنجان قهوة بوش ثقيل و تقدمي لضيوفك القهوة وأنت مرفوعة الرأس لأن وش القهوة هيبقي تقيل وباين وهيفضل وش القهوة موجود حتى آخر رشفة قهوة .. تعالوا معايا
 |
| سر القهوة بوش واخيرا طريقة عمل القهوة بوش ثقيل في المنزل مثل المحترفين |
سر طريقة عمل القهوة بوش ثقيل في المنزل مثل محترفي القهوة
وزي ما عرفتكم فى موضوعات سابقة عن طرق عمل القهوة وعن سر طريقة عمل القهوة واستخدام السبرتاية والكنكة النحاس وكمان عرفتكم مواصفات الكنكة النحاس الصالحة لعمل القهوة فيها ممكن ترجعوا وتراجعوا الموضوعات دي للي ما قرأها ضرورى .. النهاردة جيبالكم سر هيخلي القهوة بتاعتك قهوة بوش ثقيل .. يعني لو عاوزة تعملي فنجان قهوة يشرفك قدام جوزك وقدام ضيوفك خليكي معايا
اعلان سر عمل القهوة بوش سميك في المنزل
أولا يا عزيزتي احب اعرفك بالسر وافضل طريقة عمل قهوة بوش وهي المياة الساقعة اللى من الثلاجة .. يعني هتجبيها من التلاجة على كنكة القهوة على النار مباشرة .. المياه الساقعه هي سر عمل القهوة المظبوطة بوش ثقيل ومظبوط .. تاني حاجة ان لازم نوع البن يكون نضيف والكنكة يا إما تكون كنكة قهوة نحاس مبطنة من جوه استنالس أو كنكة قهوة فخار أو كنكة قهوة استانلس من النوع النضيف وطبعا الميه الساقعه هي سر عمل القهوة المظبوطة بوش ثقيل اللى أنا بتكلم عنها النهاردة
خطوات عمل قهوة بوش ثقيل
وتعالي دلوقتي نجرب نعمل فنجان قهوة مظبوط وبوش ثقيل مع بعض .. تعالي معايا .. أولا هتحضري الحاجات اللى هكتبها لك دي قدامك
- كنكة قهوة
- بن
- سكر
- مياه ساقعه من التلاجه
- نار هادية
مقادير وطريقة عمل قهوة بوش ثقيل خطوة بخطوة
- اولا تضعي ملعقتين ممتلئتين من البن اواكثر قليلا
- تضعي عليهم كمية السكر حسب ممابتشربيها قهوة على الريحة أو قهوة مظبوط أو قهوة زيادة او لو قهوة سادة مش هتضعي سكر خالص
- ضعي مقدار المياه الساقعه من الثلاجة .. وهنا السر اللى بتكلم معاكي عليه النهاردة
- بعدين تقلبيها كويس بالملعقة داخل كنكة القهوة
- بعدين تضعيها على نار هادية وانتى لسة بتقلبي بالملعقة وتستمري في التقليب لمدة نصف دقيقة وبعدين تسيبيها على النار الهادية
في حاجة مهمة وهي انك هتنشفي فنجان القهوة أو كوباية القهوة اللى هتشربي فيهم كويس جدا بمنديل بحيث ميبقاش فيه أي أثر لمياة نهائي على جدا فنجان القهوة او كوباية القهوة
بعدين لما القهوة تستوي وقبل ماتفور تفريغها فى الكوباية فى الفنجان
ركن القهوة coffee
اتمنى تكون الطريقة عجبتكم وعاوزة منكم تقولوا رأيكم في التعليقات ولو انتم عاوزين مني اكتب لكم عن وصفات معينة أو أى شىء انتم عاوزينة بلغوني بية وانا تحت امركم
دة رابط قائمة تشغيل خاصة من ركن القهوة coffee من قناة دليل الأسرة Arab family في فيها مجموعة فيديوهات بالقهوة فقط هتلاقوا فيها معلومات زيادة ممكن
شاهد فيديو
اكتب تعليقك وشارك برأيك فى الموضوع